viernes, 21 de diciembre de 2012
Nadal Mariñeiro no Instituto
Non temos lanchas, nen redes, nen marisco para xantar, mais non queremos deixar de facer unha referencia a ese mar que inspira todas as nosas actividades este ano. Así que nos puxemos mans á masa e organizamos para os alumnos de 1º e 2º de ESO uns obradoiros de nós mariñeiros , cos bos resultados que podedes ver:
Tamén desde estas páxinas queremos desexarvos BOAS FESTAS. Non esquezades que un libro é a mellor compaña nos días de choiva, e sempre podemos atopar momentos de tranquilidade entre todas as celebracións.
Que ler?
Hai moitos estilos, moitas temáticas, moitos autores. Non vos limitedes aos libros recomendados de clase. A lectura é un momento de pracer persoal e intransferible, e cada un debe ter as súas propias regras. Non me cres? Le o libro "Como una novela", do francés Daniel Pennac, e xa verás como te sorprendes.
Se non tes ideas, visita blogues de libros, ou pide recomendacións nas bibliotecas (non só na nosa, tamén nas municipais), ou aos profesores.
Aquí tes algúns enlaces para te inspirar. E, á volta, podesnos contar dese libro que te enfeitizou ou aquel que non poideches parar de ler, ou incluso daquel que tiveches que deixar a medias porque non había quen poidera con el...
Anímate a participar no blogue, para que sexa unha obra de todos.
http://kuentalibros.blogspot.com.es/
http://www.elplacerdelalectura.com/
http://www.abretelibro.com/foro
Historias de Regalo
viernes, 30 de noviembre de 2012
Reinvindicación da música, danza e as artes escénicas no día de Santa Icía
Aproveitamos a festividade de Santa Icía para sumarnos á reinvindicación estatal en prol da presencia das Artes no sistema educativo, xa que esta parece estar ameazada, e moi especialmente o bacharelato de artes escénicas, música e danza.
Aquí tedes un vídeo que recolle moitas das estupendas, divertidas e diferentes interpretacións que houbo ese día, porque iso foi o mellor; sumouse moita xente, trouxestes instrumentos, cantastes, fixestes as pancartas; en fín, todo o mundo participou.
martes, 20 de noviembre de 2012
MASTER AND COMMANDER
Por razóns ineludibles, aprázase a proxección de Master and Commander ao 18 de decembro
O
5 de decembro proxectaremos o filme “Master and Comander”, dentro do ciclo de
cine deste curso. Animádevos!
MÉRCORES. 18 DE DECEMBRO
Lugar: Biblioteca
Master
and Commander: Al otro lado del mundo
|
viernes, 16 de noviembre de 2012
CONCURSO DE FOTOGRAFÍA
Xa hai algún tempo que vimos anunciando o concurso de fotografía. Aproveitamos este espazo para animarvos a demostrar a vosa vea artística e presentar os vosos traballos.
BASES
Tes
que realizar unha ou varias fotografías sobre o mar ou algo relacionado
con el e entregala en formato dixital e en papel fotográfico (tamaño 20
x 25 cm.).
Cada imaxe debe ser anónima e ir acompañada dun sobre en que figuren os seguintes datos:
Nome do autor/a.
Título da imaxe.
Lugar onde se realizou a foto.
Data en que se realizou.
Datos técnicos.
A data límite para entregar os traballos é o 11 de xaneiro.
Valorarase nelas:
A perfección da imaxe: composición, luz, contraste, nitidez....
A adecuación do título á temática focada polo concurso.
A imaxinación con que foi captada: encadre, perspectiva…
O material presentado ficará exposto nos taboleiros do Centro ata o día da decisión do xurado (28 de xaneiro de 2.013)
O premio consistirá na entrega dun cartón-agasallo por valor de 40 euros.
Boa sorte!
martes, 13 de noviembre de 2012
Dez anos do Prestige
Estamos este ano de lembranzas. Dez anos pasaron do Prestige, para nós iso non é nada, para moitos de vós, toda unha vida. Porén, dez anos despois aínda non se depuraron responsabilidades, seguen sen se ter creado mecanismos que eviten que a traxedia poda volver repetirse. A pesar de que o Prestige convulsionou a sociedade galega de forma impensable até ese momento. Sírvannos estes vídeos para nunca esquecer o que pasou.
martes, 6 de noviembre de 2012
En Samaín
Anónimo presidente |
Este
ano unha abraiante noticia deixou xeada a poboación galega.
No
telexornal anunciaron que se acababan de atopar as caliveras dalgúns
famosos piratas, reunidas nun dos máis antigos institutos da
cidade da Coruña. Non trancendeu á prensa o motivo de tal reunión
aínda que se barralla a posibilidade de que nela se tratasen as
novas artes da piratería.
Para
sorpresa de todos, ante a presenza dos periodistas, puxéronse a
falar como se de vivos se tratase, e aproveitando tal feito
fixenlles unha pequena entrevista a aqueles menos fuxidíos.
Barbavermella |
-Bos
días señor Barbavermella, como está vostede?
-Ben,
despois de tantos anos enterrado vendo a luz do sol de novo, síntome
moito mellor.
-Xa,
compréndoo. Se non lle importa, gustaríame facerlle unhas preguntas
sobre a súa vida de pirata.
-Vale,
paréceme ben. Despois de todo, iso é o que en vida fun: un pirata.
-Iso
de ser pirata era un traballo difícil ou doado?
-Dependendo
do barco que abordaramos e de quén fose o seu capitán, a cousa
podía ser máis ou menos complicada…
-Xa,
e dígame, cal foi o tesouro máis grande que conseguiu?
-Oh! Atopei
moitos tesouros, pero houbo un que me chamou moito a atención e
aínda teño un vivo recordo do acontecido. Lembro que era unha mañá
calurosa, a máis calurosa daquel ano. Acabaramos de abordar un barco
perto das illas Baleares e estabamos cavando para atopar o tesouro na
illa marcada . Xa desesperados porque non o dabamos atopado de
súpeto sentín que algo duro tocaba a miña pa, era un...
-Un
qué?
-Non
me acordo, quedoume a mente en branco.
-Ben,
señor non me deixe así…vou estar por aquí. Se se acorda, dígamo.
Non me estrague o artigo que me debo aos meus lectores.
Benito Soto |
-Vale.
Chao.
Así
me deixou, coa palabra na boca e a intriga na cabeza. Aproveitei para
falar con outros piratas, pero non crean que puiden conseguir moito
máis.
-
Don Benito Soto. Pirata galego de renome. Sentirase vostede orgulloso
de representar a pirateria galega?
-Si,
estou moi orgulloso
-Vostede
tamén atopou tesouros moi valiosos, non é?
-Claro,
por suposto. Eu atopei estoxos cheos de ouro e mesmo coroas de
diamantes.
-WAU!!
-E
iso non é nada. Outros piratas atoparon restos de barcos que se
afundiaran antes da nosa existencia e iso vale moito máis ca todo o
meu..
E
isto é todo o que lles podemos contar de tan sinistra reunión
porque todos saíron correndo. Case non tiven tempo de lles dar as
grazas e desexarlles que non os volvesen enterrar. Penso que a broma
non lles gustou moito.
Fontes non de todo ben informadas comentaron que se dirixían a un oculto magosto na praza de María Pita con quen querían recordar vellos tempos.
Fontes non de todo ben informadas comentaron que se dirixían a un oculto magosto na praza de María Pita con quen querían recordar vellos tempos.
As únicas piratas asistentes |
Os héroes do Orzán
Os alumnos de música de 1º de bacharelato e de 4º da E.SO. asistiron este martes, 6 de novembro, á estrea dunha obra que nos lembrou a gran traxedia vivida hai un ano na bahía do Orzán, cando tres policías perderon a vida tratando de salvar a un estudante eslovaco que non puido ser rescatado. Estas novas lémbranos sempre que o mar é o noso veciño, pero é poderoso e hai que respetalo. Esta obra servirá sempre para que a traxedia e o heroismo permanezan na nosa memoria
Os héroes do Orzán
Os héroes do Orzán
jueves, 25 de octubre de 2012
The Abyss
O 6 de novembro proxectaremos o filme "Abyss", como xa foi anunciado en entradas anteriores. Se non estiveres moi animado, le esta información. De certeza, vaiche pór o corpo a andar e estarás cheo de vontade ver o filme. Poderás ver un trailer en versión orixinal con subtítulos en inglés ou castelán. Bon appetit!
MARTES, 6 DE NOVEMBRO Hora: 18.15 Lugar: Biblioteca
EEUU, 1989
Dirección e guión: James Cameron
Actores: Ed Harris, Mary Elisabeth Mastrantonio, Michael Biehn.
Fotografía: Mikael Salomon.
Deseño de produción: Leslie Dilley.
Música: Alan Silvestri.
Duración: 163 min.
Sinopse: Das profundidades do Atlántico xorde unha forza descoñecida que pode mudar o mundo para sempre.... Neste emocionante filme de acción e aventura que se desenvolve baixo as augas, creada e dirixida por James Cameron (Titanic, Terminator 2, Aliens), un equipo civil dunha plataforma de perforación recibe a misión de procurar e rescatar un submarino nuclear misteriosamente afundido nas profundidades mariñas. Ben axiña, o grupo verase inmerso nunha odisea espectacular que ten lugar a 25.000 pés de profundidade, descubrindo e enfrontando unha forza misteriosa que ten poder abondo para mudar ou destruír o mundo.
MARTES, 6 DE NOVEMBRO Hora: 18.15 Lugar: Biblioteca
Dirección e guión: James Cameron
Actores: Ed Harris, Mary Elisabeth Mastrantonio, Michael Biehn.
Fotografía: Mikael Salomon.
Deseño de produción: Leslie Dilley.
Música: Alan Silvestri.
Duración: 163 min.
Sinopse: Das profundidades do Atlántico xorde unha forza descoñecida que pode mudar o mundo para sempre.... Neste emocionante filme de acción e aventura que se desenvolve baixo as augas, creada e dirixida por James Cameron (Titanic, Terminator 2, Aliens), un equipo civil dunha plataforma de perforación recibe a misión de procurar e rescatar un submarino nuclear misteriosamente afundido nas profundidades mariñas. Ben axiña, o grupo verase inmerso nunha odisea espectacular que ten lugar a 25.000 pés de profundidade, descubrindo e enfrontando unha forza misteriosa que ten poder abondo para mudar ou destruír o mundo.
Ciclo de Cinema
Comeza o mergullo. Dentro das actividades programadas polo equipo de biblioteca para este outono, informamos de convocatorias que de seguro acadarán moi boa resposta.
En primeiro lugar, o cine.
A partires do 4 de novembro estrenámosnos coa proxección do filme "Abyss". Todos os primeiros martes do mes visualizaremos unha nova película relacionada co tema do mar. Ás 6:15, un cuarto de hora despois do remate das clases, para que teñas tempo de comer o bocata, agardámoste na biblioteca para ver a peli. Lé antes os carteis anunciadores coa reseña da película, consulta no blogue da biblioteca a información e prepárate para ser un crítico cinematográfico comentando e compartindo as tuas impresións con todos.
En primeiro lugar, o cine.
A partires do 4 de novembro estrenámosnos coa proxección do filme "Abyss". Todos os primeiros martes do mes visualizaremos unha nova película relacionada co tema do mar. Ás 6:15, un cuarto de hora despois do remate das clases, para que teñas tempo de comer o bocata, agardámoste na biblioteca para ver a peli. Lé antes os carteis anunciadores coa reseña da película, consulta no blogue da biblioteca a información e prepárate para ser un crítico cinematográfico comentando e compartindo as tuas impresións con todos.
viernes, 19 de octubre de 2012
O NOSO FÍO CONDUTOR: O MAR
O mar do peixe, do lecer, dos solpores
"¡Que inapropiado chamar Terra este planeta, cando é evidente que debería chamarse Océano!"Arthur Clarke
O mar dos naufraxios, das traxedias, dos afogados,
Xeneroso e cruel, doce e salvaxe, o mar está tan presente na vida dos galegos que non se podería atopar un tema máis axeitado para pormos a andar este curso a nosa biblioteca.O mar dos naufraxios, das traxedias, dos afogados, mais tamén o mar do peixe, do lecer, dos solpores. Materia de estudo de biólogos, físicos ou enxeñeiros, inspiración de artistas e artesáns, o mar ten acollemento nas nosas aulas e as nosas disciplinas como fío condutor de leccións, exposicións e concursos. Mergúllate nesta aventura e achégate á Biblioteca para partillar as actividades, desde a conmemoración do afundimento do "Prestige" ata o ciclo de cinema con temas mariñeiros. Con certeza, acharás a maneira de colaborar ou desfrutar as propostas.
Agardámoste!
viernes, 12 de octubre de 2012
Outonía
lunes, 24 de septiembre de 2012
domingo, 2 de septiembre de 2012
Non ao bullying
Estamos a principio de curso, e a pesar da nostalxia do verán e os
chistes acerca de que nunca é hora de comezar as clases; o certo, é que
sempre facémolo cheos de ilusión e bos propósitos. Este curso imos ser
máis ordeados, imos traballar máis todos os días. Incorporemos esta
mensaxe aos nosos propósitos.
lunes, 13 de agosto de 2012
Joe Kubert
O lexendario debuxante de comics e autor de novelas gráficas Joe Kubert finou hoxe. Tiña 85 anos. Estamos moi agradecidos polo seu magnífico legado. R.I.P.
cortesía de cultura inquieta |
miércoles, 25 de julio de 2012
As bibliotecas municipais buscan voluntarios para Viñetas do Atlático
Se vos apetece participar nas festas de Maria Pita e vos gustan os comics, seguide o seguinte enlace.
As bibliotecas municipais buscan voluntarios
As bibliotecas municipais buscan voluntarios para a consolidadísima e importante mostra que en agosto en A Coruña dedícase á banda deseñada. Moita xente de toda España achégase a esta mostra.
As bibliotecas municipais buscan voluntarios
As bibliotecas municipais buscan voluntarios para a consolidadísima e importante mostra que en agosto en A Coruña dedícase á banda deseñada. Moita xente de toda España achégase a esta mostra.
miércoles, 18 de julio de 2012
Titulación Interesante
Unha boa amiga mandoume este enlace dun Grado en creación musical na Universidade Europea de Madrid. O plan de estudos ten unha pinta estupenda e o perfil do alunmno non pon o acento nos estudos previos, por se a alguén lle parece interesante.
Grado en Creación Musical
Feliz verán.
Grado en Creación Musical
Feliz verán.
martes, 19 de junio de 2012
Ti tamén podes ser poeta: os haikus
O haiku é un subxénero da lírica
xaponesa que os autores de principios do século XX puxeron de modo. Son
micropoemas formados por 3 versos de medida 5/7/5, como os bordóns das
seguidillas, só que estes non precisan ningún tipo de rima. Os haikus canónicos
son apuntes que reflexan observacións dalgún detalle significativo da natureza
que chama a atención porque algún motivo, especialmente a presencia de
contrastes. Por iso baséase nunha linguaxe sinxela e esencial: verbos en
presente (ou ausencia deles) sustantivos, escasez de adxectivos; algunha imaxe,
algunha repetición, algunha antítese. E pouco mais. Imaxinación e emotividade
están moi contidas. Por iso é bastante fácil saírse destas regras. Pero non
importa. O caso é ter un pequeno pulo para poñer en marcha o mecanismo creativo
que todos levamos dentro, ás veces case intacto desde a infancia ou mesmo sen
estrear. E se pode dar pé á colaboración de todos, moito mellor.
Esta é a creación colectiva de 4º da
ESA, despois dunha sesión de proba. Aínda que se trataba de conectar coa
exposición de Pepe Galán, a través de palabras como auga, ferro, fume, mar, vida, verso,a cada quen sempre lle pode o que leva dentro e
debemos recoñecer que a alma colectiva deste 4º da ESA é mais ben romántica e
por ese lado desborda as regras. Somos así, que lle imos facer...!
Haikus da natureza
O mar
que brilla
baixo
o ceo estrelado
de
longas noites.
O fume negro
estende
a súa esteira
durante o día.
durante o día.
Os mares azuis
esténdense cruentos
coas
súas
Ferro e cristal
xa
na mar non se ven.
Lonxe
quedaron.
Azul o mar
brilla
sobre a area
no
claro día.
As chemineas
contra
o ceo azul
botaban
fume.
Pozo de ferro,
esquecido
na historia,
escuro
e frío.
Son verdes bosques,
e
azuis mares vivos.
Desertos,
nada.
Triste choraba
o
arume do monte
de
non ver auga.
Nesta mañá
quente
de primavera
pousan
os páxaros.
Olor a verán
e morriña no aire…
tarda en chegar!
Fume voando
coma un inmenso corvo.
Sempre
mais.
Auga berrando
e
axitando cadeas.
Quer
liberdade.
Haikus da alma
Loucura lenta,
que
remate contigo,
contigo
empece.
A vida soa
fica
neste momento
para
ser eterna.
A vida mírame
na
beira do camiño
volver
sen ti.
A vida sen ti
non a
podo vivir…
Mátame
xa!
A vida miña
non vai
seguir sen ti,
é só un
lamento.
Tremer de medo
neste
día escuro
mirando
nada.
Versos escuros
tales
como os teus ollos:
a mar
de noite.
Verso non escrito,
mais
tantas veces lido
sempre
na alma.
As pedras falsas
que
están botando ao mar.
Desexos
rotos
O mellor verso,
entre a risa e a rabia
fica atrapado.
O mar verdoso
faise
azul nos teus ollos,
e
ás veces gris.
A túa vida,
coa miña, coa deles,
é a nosa vida
Suscribirse a:
Entradas (Atom)