Participación do Coro do Instituto Salvador de Madariaga no encontro de Asomúsica

Tivemos unha dura  semana de traballo co coro do instituto. Antes de participar no Musiqueando 2017, acudimos ao encontro que no Auditorio de Ferrol organizou asomúsica.  Nese encontro actuamos, asistimos ao concerto dos outros seis institutos, confraternizamos, participamos en diferentes talleres; divertímonos, en suma. Aquí quedan estes vídeos como lembranza.

Break Down the Walls: A Biblioteca, espazo de Convivencia

Desde o Departamento de inglés fíxose unha proposta de mellora da convivencia e das relacións persoais, para prever e actuar contra o acoso escolar.
Clara Gurriagán, alumna en prácticas do Mestrado de Educación, en colaboración coa súa titora, Pilar Garabana, propuxo a posta en escena de varias situacións comúns nos institutos. O alumnado escribiu o guión, preparou a escenografía e actuou diante dos compañeiros/as de 1º de ESO.
Aquí vos deixo varias instantáneas da preparación e a posta en escena.
Todos desfrutamos e aproveitamos moito a experiencia.

Fabricando ladrillos

Traballando na biblioteca

Actuando

Ao final do acto, se lle pediu ao público que condensara nunha frase unha recomendación para evitar o acoso, e co resultado fixemos un panel que se expón na entrada do instituto.

Musiqueando 2017

Este xoves os nosos alumnos sumáronse á gran festa da Educación Musical convocada pola COAEM e que en toda España foi secundada por máis de 224 centros e máis de 22.000 alumnos.

A idea desta xornada de festa é levar ás rúas todo o traballo que se fai nas aulas de música, e como a música contribúe á formación dos nosos alumnos no aspecto social, no aspecto intelectual e como non, no artístico.

Nos puxemos o noso aporte e a experiencia non puido ser máis satisfactoria, a pesar da mala sorte de que comezase a chover e tiveramos que rematar dentro do Salón de Actos.

Premiados no concurso literario de Libre-Relatos

Reunido o xurado do I Concurso Literario de Libre-Relatos, resolveu outorgar os seguintes premios:

• Alumnado de 1º a 3º de ESO.
• Premio en lingua castelá ao relato "La dama de los recuerdos" (autor/a: Clarissa).
• Premio en lingua galega ao relato "Cando os príncipes se converten en ras" (autor/a: Unicornio).
• Alumnado de 4º ESO a 2º de Bacharelato.
• Premio en lingua castelá ao relato "El punto final" (autor/a: Kuraidesu Black).
• Premio en lingua galega ao relato "A onda mundial" (autor/a: Croqueta).
• Outórganse tamén dous accésits aos seguintes relatos:
• "¿Se trata en verdad de dolor?" (autor/a: F.R.Erena)
• "O alfabeto musical" (autor/a: C.J. Yancey)

Os premios serán entregados na biblioteca do centro o mércores 3 de maio ás 10:10.

Exposición "O Principiño arredor de mundo. A colección de Carlos Casares"

 



Despedímonos da estupenda colección de "O principiño arredor do mundo", que grazas ás xestións de Juan Pablo coa fundación Carlos Casares puidemos desfrutar no noso instituto.

Agardamos que coa dirección do equipo docente nos sirva para iniciar uns meses adicados, con maior intensidade aínda, ao libro. Temos á volta a celebración do Día do Libro e no próximo mes de maio, o día das Letras Galegas adicada precisamente ao autor desta fascinante colección, Carlos Casares, traductor do Principiño ao galego.

Lembrade participar no concurso de microrrelatos.