lunes, 15 de enero de 2018

Nova edición do Fuxitivo. Serás quen de atopar o libro misterioso?

Rematou o prazo de presentación de solucións á última edición do "Fuxitivo" . Eiquí tes as pistas ...



E o libro misterioso era ...

Foron 7 os gañadores nesta edición: 5 de 2º ESO e 2 de 3º ESO


En breve teremos xa en marcha unha nova etapa do "Fuxitivo". Como en edicións anteriores, cada semana teremos unha nova pista que nos axudará a atopar o libro misterioso. Pensas que sabes a solución? Mete na caixa un papel co teu número de lector e  a solución. Ao remate, publicaremos a relación de gañadores.

Anímaste?

miércoles, 15 de noviembre de 2017

Visita dos alumnos polacos

Dentro de intercambio co instituto de Gdansk que temos programado para iste curso escolar, o pasado día 16 de outubro chaegaron a nosa cidade 17 alumnos e 2 profesoras, cos que compartimos 5 días moi intensos.




Aproveitamos todas a raioliñas de sol para coñecer a nosa cidade, ensinarlles cousas da nosa cultura, convivir con eles e tamén pasar moitos bós momentos.





Eiquí vos queda unha mostra dunha danza popular que aprendimos deles.



lunes, 13 de noviembre de 2017

Samaín na Biblioteca

Iste ano o Samaín tinguiuse de negro máis que nunca. E na nosa Biblioteca a nosa compañeira Lola fixo unha obra de arte, como fai ela sempre, onde ligou os recentes lumes forestais coa celebración do Samaín.


O himno galego é o fío conductor da denuncia. Resaltando aquelas parte onde se fai alusión ao verdor de Galiza, o contraste cos restos queimados é aínda máis forte










Referencias aos fogares queimados, ás catro provincias galegas, ás árbores e as riquezas perdidas.


Iste ano as nosas cabazas están de loito. Iste ano a reivindicación do himno ten máis sentido que nunca.


.

viernes, 3 de noviembre de 2017

O noso instituto cumpre 70 anos


Mellor dito, é o edificio o que fai 70 anos.

  En realidade, no ano 1947 edificouse este centro para atender aos varóns, e as mulleres ficaron no antigo local da Praza de Pontevedra. É por iso que aínda se nos coñece como "Instituto Masculino", aínda que xa hai tempo que mudamos o nome, e que o ensino deixou de estar diferenciado por sexos.

Mais para non esquecer a nosa historia, e ser conscientes dos cambios acaecidos nestes 70 anos, dende a Biblioteca mostramos algunhas testemuñas do pasado, para que o alumnado presente saiba de onde ven e como mudou todo, do papel do centro na historia da cidade e do valor das ensinanzas do pasado.



lunes, 23 de octubre de 2017

Clubs de Lectura

Esta semana, na que ademáis conmemoramos as Bibliotecas Escolares, comezan a funcionar os nosos clubes de lectura:
  •  Os de 1º e 2º da ESO tiveron a súa primeira reunión o venres  pasado. Se a perdiches, ponte en contacto con Elisa Vázquez (PT) ou Fátima Fernández Ruibal (Galego). Elas son as coordinadoras.
  • Os de 3º e 4º da ESO reunímonos hoxe (luns 23) por primeira vez na aula 22 no segundo recreo. Se queres información, podes falar con Irene Caeiro (Música) ou Isabel González (Galego)
  • Os de 1º e 2º de Bacharelato teremos a reunión os mércores no segundo recreo na sala de visitas de secretaría. Pásate por alí, ou pregúntalle a Irene Caeiro ou Pilar Garabana (Inglés)

Anímate 



lunes, 9 de octubre de 2017

Benvida



Ola a todas/os
 Xa comezou o novo curso, e aínda que cunha pouquiña preguiza voltamos ás rutinas. Todos temos xa ganas de visitar a biblioteca, mais teremos que agardar aínda uns días para poder organizar o empréstito e as actividades.
Nós xa estamos en marcha, e contamos con todos vós para dar vida a este proxecto, que basicamente é voso, dos estudantes e os docentes do IES Salvador de Madariaga.



 Xa veredes como paga a pena agardar. Axiña estaremos con vós.



Ficade atentos ás novas...







domingo, 28 de mayo de 2017

Actividades na semana das Letras Galegas

Revista ilustrada
E, por último, a edición da revista ilustrada sobre textos de Vento ferido, de Carlos Casares: "Agarda longa ao sol", "Aparecerá pola esquina" e "Outro verán". O ano pasado comezamos con esta actividade para o Día das Letras Galegas coa intención de que teña continuidade  nos vindeiros anos.






Exposición da obra de Carlos Casares
Na planta baixa do instituto instalouse unha exposición sobre a figura de Carlos Casares, autor homenaxeado este ano, na que se reunía grande parte da súa obra publicada.



Maratón de lectura
O día 18 de maio organizouse un maratón de lectura no que participaron os alumnos e alumnas da ESO. Escolleuse o libro O principiño, traducido ao galego por Carlos Casares, en relación coa exposición que houbo no centro do 31 de marzo ao 7 de abril, na que se mostraba a colección particular do autor das diferentes edicións do libro de Saint Exupéry en máis de sesenta linguas do mundo.